HITZETAN

Goizetan, ispilu parean
harro irri egitean;
eme oldarkorretan, negarrari beldurrik ez dioten gizonetan.

Karminezko ezpainetan
txiste txarrenek erantzun dituzten aurpegietan, serioenetan erantzukizuna ere diren erantzunetan.

Angela Davisen hitzetan,
Maialen Lujanbioren azken puntuetan; Maurizia zenaren irrintzietan
ahots korden kontzientzietan.

Berriz esan ez dezaten
ez dagoela denon eskuetan; gizartearen arazoa den, ardura komun den honetan.

Zilegi diren beldurretan,
gure amonaren ezkutuko aienetan; Maurizia zenaren irrintzietan
eta haren ondorengoetan.

Angela Davisen hitzetan,
Maialen Lujanbioren azken puntuetan.

Zilegi diren beldurretan,
gure amonaren ezkutuko aienetan; Maurizia zenaren irrintzietan
eta haren ondorengoetan.

Maurizia zenaren irrintzietan gure ahoz botatakoetan, botatakoetan.